Unhas para aquí, outras para alá !!

 Sabemos que estamos no outono (aínda que as veces non nos acordemos). Sabemos que hai árbores que nesta estación perden as súas follas. No noso xardín hai desas árbores que o profe di que son de folla caduca (que risa nos dá!!). Recollemos algunhas follas. Pero antes de facer o mural había que ver a súa cor, a súa forma, o seu tacto...cheiran ou non cheiran?. Pero tamén tivemos que facer unha selección: as pequenas para aquí, as grandes para alá!!

E despois apeteceunas pegalas nun papel para ter cada un as súas!!
E para lembrarnos puxemos GRANDE, ben grande, e pequeno, un pouquiño pequeno.